قصيدة الشاعر الحسيني المبدع : كريم الدراجي . بعنوان : يا حامي الجار / قرأها الرادود الحسيني ملا ليث الكاظمي

يا جرح اللي زاد مصابك ... يا حامي الجار
راسك لو وحشة محرابك .... يا حامي الجار

يـحيدر يا جرح كـلي .. أثـر بيك يل والي
جرح راسك يبو الأحرار .. لو محرابك الخالي
يريت اللي جرالك كون .. يـابو حسين يـجرالي
سيف الصوّبك يا حيد .. صوّب ريته دلاّلي

والمحراب الضل مخضب ... يـاحامي الجار
لساعه يناديك وينحب ... يـاحامي الجار

جرحه الناداك .. تـنـزف خلاّك
راسك لو وحشة محرابك ... يـاحامي الجار

.....................................

يـحيدر جرحك الينـزف ... أحسه بروحي يا حيدر
أنا ألمـن زغري واليتك ... أنا البايعتك إمنـلذر
موالي وجيت أنشدنك ... صدك بيك الجرح أثر
صدك جف المنيه أرداك ... يل جفك قلع خيبر

يا جف هذا الصوّب هامك ... يـاحامي الجار
ما خلاّك إتـم صيامك ... يـاحامي الجار

يا جف أرداك ... تـنـزف خلاّك
راسك لو وحشة محرابك ... يـا حامي الجار

....................................

موالينك تحن وتنوح ... يـاحيدر تريد جواب
يـاذنب الجنيته وسال ... دمك وإنت بالمحراب
أظن جان السبب سيفك ... حصد بالجاهليه إركاب
جانت تعبد الأوثان ... واحد هذا من أسباب

والأسباب هوايه الغدرك ... يـاحامي الجار
ظلموك المـا عرفو كدرك ... يـاحامي الجار

يا غدر إعداك ... تنـزف خلاّك
راسك لو وحشة محرابك ... يـاحامي الجار

....................................

أريد أنشد علي العادوك ... شنهي الحجه والبرهان
وإنت النصبك طــه ... أمير إعله الإنس والجان
أمير إمنصب من الرب ... خليفه ويشهد القـرآن
جم آيه أذكرت فضلك ... جم سوره أصبحت عنوان

ثلثين القـرآن بفضلـك ... يـاحامي الجار
يشهد يـلفجعونه بـجتلك ... يـاحامي الجار

والماوالاك ... تنـزف خلاّك
راسك لو وحشة محرابك ... يـاحامي الجار

......................................


يـحيدر شيعتك هل يوم ... مفجوعه وإجت صفين
تلطم علصدر وتصيح ... آه يا نايبات البين
آه يـا لوعة المختار ... يا حسرة حسن وحسين
نورك يا علي من غاب ... هلنور أنطفه بكل عين

طفو نورك يـابو العتره ... يـاحامي الجار
فجعو زينب وأمها الزهره ... يـاحامي الجار

هل صوت هناك ... تنـزف خلاّك
راسك لو وحشة محرابك ... يـاحامي الجار

....................................

يـا شهر الصيام شلون ... ترضه يفارك أصيامه
علي هلال التنظره الناس ... غاب أوّدع أيامه
بعد ما ظن نشوف العيد ... ضاعت فرحة أحلامه
لن شفنه الوصي مصيوب ... دمه مخضب الـهامه


وشلون أنعيد بغيابـك ... يـاحامي الجار
شيعه أحنه وفاجعنه صوابـك ... يـاحامي الجار

بالدم ننعاك ... تنـزف خلاّك

راسك لو وحشة محرابك ... يـاحامي الجار

بسم الله الرحمن الرحيم

السلام عليكم ورحمة الله وبركاته

شكرا لك اخوي ملا ليث الكاظمي

ما شاء الله حلوة القصيدة

تسلم يد اللي كتبها واللي يقولها

والله يدومهم الى خدمة الحسين

تقبلوو تحياتي

دمعة حزن