منتديات الشهيد عمار الكاظمي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

( ضحكت الفقره) الشاعر علي الخراعي

2 مشترك

اذهب الى الأسفل

( ضحكت الفقره)   الشاعر علي الخراعي Empty ( ضحكت الفقره) الشاعر علي الخراعي

مُساهمة من طرف باقر الحجامي الأربعاء أكتوبر 01, 2008 1:39 am

عليك شتحجي بالله شتكتب الاقلام

ولساني المصيبه شيكتب اشيقره

واعرف مايوصفك كل قلم بالكون

فقط بس الرسول وصاحب القدره

والمنهه القوافي وجفي يرجف خوف

واجيبنهه اعله راسي وتشرد الفكره

علي يصعب اوصفك وانته اول باب

من عنده الدخول المنتهى السدره

وعلى كل الوصف لازم احط اشكال

واعظم ماتوصفك ضحكت الفقره

وذو الفقار اوصفه بكل شطر واحتار

واتمنى الشطر كد همته وشطره

اشكد اسيوف اجت من جف غدر لليوم

ويكصون المحبه وتكبر الفطره

وعذره الظل عدل عالكبه روحه اتحوم

والمات ابمحبتك ياعلي اتعذره

ومو بس راسك انته اللي اطبر مولاي

على روس اليتامه اموزعه الطبره

ولليوم الحزن لابسنه عصابات

وظلت بالكلب متطلع الحسره

واشوفك هسه يمي ودم جبهتك نور

يصعد للظلام وينكلب كمره

وطب اعله الضريح ابلهفة العطشان

واشبكهن عليك اليمنه واليسره

واجيك ابزود شاعر بس اظل محتار

واتيه حلكي مني وماعرف شقره

اذا حته المناير تنحني بهليوم

وعليك مهدله وبس تلطم الحضره

ماتم بالسمه يوميه الك منصوب

واليبجي الرسول وفاطمه الزهره

علي صارت محبتك للبشر مقياس

والصح والغلط من حبك انفسره

على كرهك نميز كل رجل بي عيب

وبحبك نميز الطاهره الحره

اما اهناك باجر تكبر الاحداث

وبيوم القيامه الموقف اتحضره

على باب السراط نشوف يمك ناس

ناس اعله اليمين وناس عاليسره

واليوكف ضعيف وينخه ابو الحسنين

يمر جفك برق وبلحظته اتعبره
باقر الحجامي
باقر الحجامي
مدير المنتدى
مدير المنتدى

عدد المساهمات : 98
تاريخ التسجيل : 28/05/2008
العمر : 35
الموقع : العراق - بغداد

https://ammar-alkademy.yoo7.com

الرجوع الى أعلى الصفحة اذهب الى الأسفل

( ضحكت الفقره)   الشاعر علي الخراعي Empty رد: ( ضحكت الفقره) الشاعر علي الخراعي

مُساهمة من طرف القلب الحسيني الأربعاء أكتوبر 01, 2008 2:56 am

بسم الله الرحمن الرحيم

السلام عليكم ورحمة الله وبركاته

شكرا للشاعر المبدع علي الخزاعي على القصيدة الرائعة

وشكرا لك خوية Admin على جلب القصيدة

تقبل تحياتي
القلب الحسيني
القلب الحسيني
عماري سوبر
عماري سوبر

عدد المساهمات : 279
تاريخ التسجيل : 30/05/2008
الموقع : كربلاء الخليج - البحرين

https://ammar-alkademy.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى