قصيدة ((بــــــــــــاب المـــــــــلح)) للشاعر ميثاق الهلالي

استعرض الموضوع السابق استعرض الموضوع التالي اذهب الى الأسفل

قصيدة ((بــــــــــــاب المـــــــــلح)) للشاعر ميثاق الهلالي

مُساهمة من طرف باقر الحجامي في الأربعاء أكتوبر 01, 2008 1:49 am

من الجاهليه اجو بس جابو شچم جرح

جرح الشمس من نزف

گالو خلل بالصبح....

وجرح الگمر من كبر گالو نجم قبله

وچي ماكو عنده اهل واتفرقو كل هله

ماسمع كلمة هله وظلت لهسه تدگ يم خاطره اللاهله...............

وجروح كبر السمه وكبر الجروح الدمع قافله تجر قافله

وجرح السقيفه كبر

واستحت گامت تخر من كل كتر مهزله........

وچي باقي عدنه ضلع

بيه جرح ينزف دمع

بتنه عله باب الملح
والباب مايستحي وبسماره كلش وكح
جبناله طاري الشمس فگس عيون الصبح

وسير علينه العمه والليل خلف ليل

وانعمت عين الوكت نگطة ضوه ماتصح.............

واتحاشمو عالفجر فرض الفجر عطشان

جابوله سيف الغدر خاطر بدم يرتوي

ويورد الاذان

رادو يعيش الفجر من طبرة المحراب

مادروا بالخاتمه راس الاذان انطبر...................

وفزعنه ردنه ازلمه گدهه ويكض الظهر

كلها بخناجر اجت بس انته جيت برمح...................

وشفت النهر والنهر من بعد ينزف حجر

الورد ماذل واجه للماي يشكي العطش گبل المذله انتحر

ومن شفت كلشي احترگ........

صعدت بصدرك سمه من الغيم والمستحه وطگت رگبتك مطر

بيبان ماي النهر بالاحمر تشمعت

وانته برگبتك قصر بيبان دم شرعت

وهدت سرايا النصر..........

الگاع شربت نصر حظنت ضلوع الخيم

الخيل شربت نصر باست خدود الگاع

الزلم شربت نصر شبگت متون الخيل


جامه عله عين الشمس من فاح طعم النصر بس شافته اتصدعت

بيه لذه طعم النصر حته الخيم فرعت............

صرخة طفل عالنهر بس رجف منهه النهر

اسرافيل صار الطفل والصرخة جنهه الصور

الگمر هد عالنهر شده بحبل جربته

وچتفه اجتاف الغنم لام الخدر منذور..............

وظلت لهذا الوكت گطرة حيا بكصته

تشوف النهركل سنه يجّتف بعاشور
تشوف النهركل سنه يجّتف بعاشور
__________________

باچر راح أچفّن كل الجروح....
ونعش الذكريات براسي اشيعه

ميثــــاق الهلالــي

_________________
مدير منتديا ت الشهيد عمار الكاظمي
avatar
باقر الحجامي
مدير المنتدى
مدير المنتدى

عدد المساهمات : 98
تاريخ التسجيل : 28/05/2008
العمر : 28
الموقع : العراق - بغداد

http://ammar-alkademy.yoo7.com

الرجوع الى أعلى الصفحة اذهب الى الأسفل

رد: قصيدة ((بــــــــــــاب المـــــــــلح)) للشاعر ميثاق الهلالي

مُساهمة من طرف القلب الحسيني في الأربعاء أكتوبر 01, 2008 2:51 am

بسم الله الرحمن الرحيم

السلام عليكم ورحمة الله وبركاته

شكرا للشاعر المبدع ميثاق الهلالي على القصيدة الرائعة

وشكرا لك خوية Admin على جلب القصيدة

تقبل تحياتي
avatar
القلب الحسيني
عماري سوبر
عماري سوبر

عدد المساهمات : 279
تاريخ التسجيل : 30/05/2008
الموقع : كربلاء الخليج - البحرين

http://ammar-alkademy.yoo7.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى