في رحاب الامام (المجتبى)عليه السلام للشاعر بشار التميمي

صوت جرحك فزز عيون الظلام


وجاب نور


وزعه على اهل السلام


وطه كل بيت ابتسامه


وزرع بيده الابتسامه


وبيده يسكيهه بدمعته


لحد ما خضرت ضحكهة


اتلاعب اشفاف اليتامه


ولأن بعيونك شلت قبر الرسول


شي اكيد الفقره بعيونك تطوف


ابلاية ما تدفع ضريبة


ابلاية ما تشعر بخوف


وللاسف بعض التسمو مسلمين


طوو تاريخ بيديهم وركن فوك الرفوف


وانت صوت


صوت عاش ابلا مزار


وأأموت بنوره الظلام


وهوه عايش مايموت


ولان نور انت بقبر صح مايصير


لان صاير على الحياة من الله نور


واحنه ما تصعب علينه


يعني اذا ردنه نزورك


وين ما نطي الوجه نكدر نزور


لان انت بكل مكان


ولان انت بكل زمان


وية كل دمعة طفل يعني انت صوت


وية نخوت شخص يعني انت صوت


وية كل دعوة عراقية انت صوت


يعني خالد من كبل وكت الخلود


وهذا ياهو الحاسبك احسابك تموت


والله لو عدهم عقل ما حاربوك


ولان انت ابن السحك خشم الطغاة


هدمو كل مرقدك بغضن لبوك


وهمه اصلآ مو ملوك


ولو صدك فعلآ مولوك


جان ما هدمو فبرك


جان فوك اقصور عزهم شيدوك


لان يدرون بصفاتك


شرف تيجان المولوك