قصيدة نرفع كل أيادينه ... اسم حسين حبينا - كلمات الرادود الحسيني ليث الكاظمي . نتمنى ان تعجبكم يا رب

نرفع كل أيادينه إسم حسين حبينه
إسم حسين حبيناه
نزحف ليه نتعناه
ونذرف كل بواجينه يضل حسين والينه

تسألنا النواصب هاي ليش حسين محبوبنه
نجاوبهه بدمع سجاب وحده ساكن قلوبنه
ونكللهه بوجه بسّام هو شمعة دروبنه
ونضل للموت وياهم هاذي فكرة إسلوبنه
إسم حسين حبيناه
نزحف ليه نتعناه
على اعناد اليعاديــــــــنه ...... يضل حسين والينه

حروف إسمه تضل بالبال عشكنه حسين بالفطره
هذا أبن الوصي الكرار وأبن الطاهره الزهره
نحب شخصه لأن منه ظهرت للبشر عتره
هذا حسين ابو الأحرار والله بهيبته أدره
إسم حسين حبيناه
نزحف ليه نتعناه
بي رجوة أمانيــــــنه ....... يضل حسين والينه

يبن المرتضى الكرار التشهد كلهه بأيامه
حارب هالكفر والجور لليوم تلهث أيتامه
يضل إسمك ركن للدين والدين أعلن إسلامه
جاهدت الظلم كله وبسمك طاحت أزلامه
إسم حسين حبيناه
نزحف ليه نتعناه
نهتف ليه يا حامـــــينه ....... يضل حسين والينه









يا خامس كمر بالكون حتى الكون يبجيلك
يا سيد بني هاشم خلي الكاع تحجيلك
ملايين الخلق تزحف عــــد عيناك تمشيلك
من ظلم الزمن بعدك إلهه هموم تشكيلك
إسم حسين حبيناه
نزحف ليه نتعناه
نشرحله مآســـــينه ....... يضل حسين والينه

يبن أهل الكرم والجود دخيلك سيدي المشهود
تظن ننسى نسانه البين نموت إحنه فلا ننساك
هم ينسه المحب روحه روحي سيدي ويــــــــاك
نلطم واللطم تعبير إحنه اليوم بايعناك
إسم حسين حبيناه
نزحف ليه نتعناه
نعزي بكل تعازيـــــــــنه ........ يضل حسين والينه

يحماي الدخل يحسين دخيلك سيدي المشهود
من غدر الظلم والبين الصار بكل وكت موجود
وحق حيدر وحك حسين وحك الخالق المعبود
لابد ينتصر هالدين لازم يظهر الموعود
إسم حسين حبيناه
نزحف ليه نتعناه
ندعي بكل محاجـــــينه ....... يضل حسين والينه



خادم الزهـــــراء : ليث الكاظمي