قصيده بقلم خادم أهل البيت ( ع ) المبدع : بـــاقر الحجامي / قرأها الرادود الحسيني ملا ليث الكاظمي

طاح الولي بالمحراب ركن الدين كله أنصاب
تـاه القلب بأحزانه من أنطبر قرآنــه
كل الكون يندب علي داحي الباب



أنطبر راسك يا علي وما نزل للكـاع بـقه شامخ يا ولينه بعلو الشراع
إبن ملجم هاللعين الـطبر راسك سيفه ندمان بدمعته و قـصده باسك
مو ذنب هالسـيف صاح ألف يا حيـف
صاب الدين كله وأهل الكتاب


الليله حتى السمه لمصابك تنـوح والأرض تنـشدهه ويـن إحنه نروح
جبريل بأعلى صوت ناده بالسمه لا فتى إلا علي حامي الحمه
تـشهد الدنـيا عليه والنبأ نزلت إليه
خيـبر وخندقدهه شاهد و الأحزاب


الليله يـبجي إعليك ضل محرابك و بـقه يشرح هضمه إلك بغيابك
يلـيث الغاب يا فارس بدر وحنين بعدك إحنه بشجن وآهات و وونين
آه يـحامي الجار إنت تدري إشصار ؟؟
بعدك إحنه أشبـيـنه من ذاك المصاب ؟؟ !!


إبـطبرتك هـزّيت عرش السموات لأن أصـلا إنت من المعجـزات
إبن ود العامري إنت الراهبه من بعد ما جان جيش يحـاربه
إنت عـنوان الشجاعه سيدي منك شـفاعه
وإنت حتى الموت من عندك يهاب


إلى خادم آل يـس : باقــــر الحــجامي